Մուտքագրել որոնվող բառը(երը)
ԼՈՒՐԵՐ

Ադրբեջանում օտարերկրյա հատուկ ծառայությունների լրտեսական ցանց է բացահայտվել

10:50 28 Դեկ 2018
Դիտումներ 3225
Ադրբեջանում օտարերկրյա հատուկ ծառայությունների լրտեսական ցանց է բացահայտվել

Ադրբեջանի պետական անվտանգության ծառայությունը հաղորդում է, որ լրտեսական լայն ցանց են բացահայատել, ձերբակալվել են հատուկ ծառայությունների աշխատակիցներ: Խորը քողարկված լրտեսական ցանցը ստեղծվել էր Ադրբեջանի հատուկ ծառայությունների ներսում:

Հաղորդագրությունում նշված է, որ օպերատիվ-հետախուզական գործողությունների արդյունքում բացահայտվել ու չեզոքացվել է արտասահմանյան հատուկ ծառայությունների լրտեսական ցանց, որը մի քանի տարվա ընթացքում լրտեսական բազմափուլային գործունեություն է իրականացրել Ադրբեջանում:
Այդ ցանցի գործակալները ադրբեջանական հատուկ ծառայությունների աշխատակիցներին հավաքագրելու նպատակով գաղտնի հանդիպումներ են կազմակերպել հարևան երկրների տարածքում և ստեղծել կապի ուղիներ: Բացահայտվել են անհատների կեղծանունները, որոնք օգտագործվել են դրսի հատուկ ծառայությունների գործակալների լրտեսական աշխատանքի համար:

Ադրբեջանի ՊԱԾ-ի հաղորդագրությունում ձերբակալված երկու մարդու անուն է նշված: Ձերբակալվածներից մեկը Զաքիր Ալիբալաօղլի Իսմաիլովն է, ծնված 1959 թվականին: Նա նախկին ազգային անվտանգության նախարարությունում բաժնի պետ է աշխատել, զբաղեցրել պատասխանատու այլ պաշտոններ: Ըստ հաղորդագրության, արտասահմանյան հատուկ ծառայությունների կողմից նա հավաքագրվել է գաղտնի համագործակցության համար և նյութական պարգևատրումներ ստանալով՝ կատարել Ադրբեջանի ազգային շահերին ու պետական անվտանգությանը վնասող գործողություններ: Նա կանոնավոր կերպով, դրսի հատուկ ծառայություններին է փոխանցել ծառայողական նյութեր Ադրբեջանի հակահետախուզական ոլորտի գործունեության մասին, տեղեկատվություն պետական անվտանգության մարմինների անձնակազմի աշխատակիցների մասին և այլ գաղտնի տեղեկատվություն:

Նույնիսկ 2015-ին թոշակի անցնելուց հետո, Իսմաիլովը, օգտագործելով իր նախկին կապերը, տեղեկատվություն է ձեռք բերել Ադրբեջանի անվտանգության մարմինների փոփոխությունների մասին ու արտասահման փոխանցել, ինչպես նաև հետախուզական աշխատանքի մեթոդներ է առաջարկել ադրբեջանական հատուկ ծառայությունների դեմ գործելու նպատակով: Ձերբակալաած Իսմաիլովին պետական դավաճանության մեղադրանք է առաջադրվել:

Մյուս ձերբակալվածը նույնպես նախկին ազգային անվտանգության նախարարության աշխատակից է՝ Յուսուֆզադե Յաշարօղլին, ծնված 1977 թվականին:

Հետաքննությունը պարզել է, որ անվտանգության մարմիներից պահեստի անցնելուց հետո, նա արտասահմանում հանդիպել է դրսի հատուկ ծառայությունների գործակալների հետ: Նա հավաքագրվել է ու նյութական պարգևատրումների դիմաց սկսել է աշխատել արտասահմանյան հետախուզության համար: Յուսուֆզադե Յաշարօղլին հանձնարարություն էր ստացել վերականգնվել աշխատանքի Ադրբեջանի պետական անվտանգության մարմիններում, սակայն աշխատանքի վերականգնվելու փորձերի ընթացքում նա բացահայտվել է ու ձերբակալվել: Նրան ևս պետական դավաճանության մեղադրանք է առաջադրվել:

Ադրբեջանի պետական անվտանգության ծառայությունը հաղորդում է, որ նշված հանցավոր գործողություններին առնչվող այլ անձինք ևս պատասխանատվության են ենթարկվել, սակայն ուրիշ անուններ չի նշում: Օպերատիվ-քննչական աշխատանքները շարունակվում են:

ԼՐԱՀՈՍ ԼՐԱՀՈՍ

Scan News-ը՝ նոր կայքով՝ նոր ձևավորմամբ
23:59 31 Դեկ 2018
Դիտումներ 3568
ՀՐԱՏԱՊ ԼՈՒՐ
Այսօր դեկտեմբերի 31-ն է
09:00 31 Դեկ 2018
Դիտումներ 3393
ՀՐԱՏԱՊ ԼՈՒՐ
Այսօր դեկտեմբերի 30-ն է
09:00 30 Դեկ 2018
Դիտումներ 3292
ՀՐԱՏԱՊ ԼՈՒՐ
Մրայա Քերի․ Հերոս
15:00 29 Դեկ 2018
Դիտումներ 6511
Հայ Առաքելական Եկեղեցին այսօր նշում է
09:00 29 Դեկ 2018
Դիտումներ 3165
ՀՐԱՏԱՊ ԼՈՒՐ
Այսօր դեկտեմբերի 29-ն է
08:00 29 Դեկ 2018
Դիտումներ 3303
ՀՐԱՏԱՊ ԼՈՒՐ
Օրվա մամուլի ընտրանի. դեկտեմբերի 28
19:15 28 Դեկ 2018
Դիտումներ 3476
ՀՐԱՏԱՊ ԼՈՒՐ
Ճանապարհները Հայաստանում
08:45 28 Դեկ 2018
Դիտումներ 3463
ՀՐԱՏԱՊ ԼՈՒՐ
Այսօր դեկտեմբերի 28-ն է
08:00 28 Դեկ 2018
Դիտումներ 3206
ՀՐԱՏԱՊ ԼՈՒՐ
Օրվա մամուլի ընտրանի. դեկտեմբերի 27
19:15 27 Դեկ 2018
Դիտումներ 1592
ՀՐԱՏԱՊ ԼՈՒՐ