Ռեստորան քարանձավում, Իտալիա

Art News 12.02.2019   22:00   116
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Աշխարհում ամենահայտնի քարանձավային ռեստորանը գտնվում է իտալական փոքրիկ քաղաքում՝ Պոլինյանո ա Մարում։ Grotta Palazzese անունը ստացած ռեստորանը առանձնանում է նրբագեղ ու ճոխ պայմաններով։ Ռեստորանը տեղավորված է հեքիաթային գեղեցիկ տարածքում՝ ափին մոտ, ընդարձակ կրաքարային քարանձավում։

Հատուկ ռեստորանի բացման համար անձավում ընդարձակ փայտե տեռասներ են կառուցել, որոնց վրա էլ հետո տեղավորել են սեղանիկները։ Այսօր Grotta Palazzese-ը համարվում է Իտալիայի ամենագեղեցիկ ռեստորաններից մեկը։

Ռեստորանի այցելուները կարող են տեղ ընտրել քարանձավի խորքում կամ հենց մուտքի մոտ, որտեղից հարմար է հիանալ ծովափի գեղեցկությամբ։ Առանձնահատուկ ուշադրության է արժանի նաև ռեստորանի լուսավորությունը։ Հենց քարանձավի պատերին տեղավորված հարյուրավոր վառ լապտերների շնորհիվ սրահում հաջողվել է հեքիաթային ռոմանտիկ մթնոլորտ ստեղծել։

Կրաքարից քարանձավը, որտեղ կառուցվել է մոլորակի ամենահայտնի ռեստորաններից մեկը, գտնվում է ծովի մակարդակից 25 մետր բարձրության վրա, և դրա շնորհիվ իսկապես շատ հարմարավետ է վայելել ծովի ու ափամերձ տարածքների գեղեցկությունը։

Ռեստորանի մենյուն դուր կգա ծովամթերքի սիրահարներին։ Նրանք հնարավորություն կունենան ճաշակել ֆիրմային կալմարներն ու սխտորով գրիլ արած մանր ծովախեցգետինները։ Grotta Palazzese-ում գները բավականին բարձր են։ Մեկ ուտեստի միջին արժեքը ավելի քան 100 ամերիկյան դոլար է։

Պատրաստեց Լուսինե Բրուտյանը


 Լուսանկարներ


 Պիտակներ
         Անսովոր ռեստորաններ

 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon