Դասը վարում է Աբրահամ Լինքոլնը

Դասեր 06.02.2019   21:00   217
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Աբրահամ Լինքոլնի նամակն իր որդու ուսուցչին

Հարկավ, ես հասկանում եմ, որ նա պետք է գիտակցի, որ բոլոր մարդիկ չէ, որ արդար են, որ նրանցից ոչ բոլորն են անկեղծ: Այդուհանդերձ, սովորեցրեք նրան, որ եթե կա սրիկա, ապա կա նաև հերոս, եսասեր քաղաքական գործչի կողքին՝ կա նաև նվիրյալ առաջնորդ:

Սովորեցրեք նրան, որ եթե կա թշնամի, ուրեմն կգտնվի և ընկեր: Ես գիտեմ, որ սա գիտակցել տալու համար Ձեզնից երկար ժամանակ կպահանջվի, բայց եթե կարող եք, նրան հասկացրեք նաև, որ վաստակած մեկ դոլարը՝ գտած հինգ դոլարից ավելի արժեքավոր է:

Նրան խաղալ, ինչպես նաև՝ հաղթանակները վայելել սովորեցրեք: Հնարավորինս հեռու պահեք նախանձից, փոխանցեք բարեմիտ ծիծաղի խորհուրդը:

Թույլ տվեք, որպեսզի նա հնարավորինս արագ հասկանա, որ զոռբաներին հաճոյանալն ամենահեշտ բանն է: Եթե Ձեզ հաջողվի, նրան դրդեք հետաքրքրվել գրքերով…

Ազատ ժամանակ տրամադրեք, որպեսզի նա կարողանա խորհել հավերժական գաղտնիքների՝ երկնքում ճախրող թռչունների, արևի շողերում երևացող մեղուների և բլուրի կանաչ ստորոտում աճող ծաղիկների մասին:

Դպրոցում եղած ժամանակ նրան սովորեցրեք, որ խաբելուց ավելի պատվաբերը՝ անհաջողությունը համբերատար տանելն է …

Նրան սեփական գաղափարներին վստահել սովորեցրեք, եթե անգամ կողքիններն այն համոզմանն են, թե նա սխալվում է…

Սովորեցրեք նրան լինել մեղմ՝ գթասիրտ մարդկանց, և դաժան՝ տմարդիների հետ: Փորձեք տղայիս անհրաժեշտ ուժ հաղորդել, որպեսզի նա չհետևի, առավել ևս՝ չտրվի հաղթողի կողմն անցած ամբոխին…

Սովորեցրեք նրան լսել բոլոր մարդկանց և լսածը դիտարկել ճշմարտության տեսանկյունից ու վերցնել միայն դրանցից լավը:

Եթե կարող եք նրան տխուր պահերին ծիծաղել սովորեցրեք: Նրան գիտակցել տվեք, որ արտասվելն ամենևին էլ ամոթ չէ: Նրան մարդահաճությունից խուսանավել և ցինիկների վրա ծիծաղել սովորեցրեք:

Սովորեցրեք նրան իր ուղեղն ու մկանների ուժը վաճառել ամենաբարձր գնով, բայց երբեք վաճառքի չհանել սիրտն ու  հոգին:

Սովորեցրեք նրան ականջալուր չլինել ոռնացող ամբոխին,բայց և սովորեցրեք տեր կանգնել ասածին ու պայքարել, եթե համարում է, որ դա է ճիշտը:

Նրա հանդեպ վարվեք մեղմ, բայց առանց ավելորդ քնքշության, որովհետև միայն կրակի միջով անցնելու փորձությունից հետո են ի դերև գալիս պողպատի լավագույն հատկանիշները:

Թույլ տվեք, որպեսզի նա քաջ լինի, որպեսզի դառնա անհանդուրժող (վատ բաների հանդեպ): Խիզախ դառնալու համար նրան թույլատրեք լինել համբերատար:

Սովորեցրեք նրան հավատալ ինքն իրեն, որովհետև այդ դեպքում միայն նա մարդկության հանդեպ հավատ կունենա:

Հասկանում եմ, այս ամենը հեշտ չէ, բայց տեսեք ինչ կարող եք անել… Որովհետև իմ որդին շատ լավն է …

Թարգմանությունը՝ Նաիրա Գևորգյանի


 Լուսանկարներ


 Պիտակներ
         Աբրահամ Լինքոլն


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon