Չինաստանի Խուա Շան ռեստորանը

Art News 13.02.2019   22:00   64
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Չինաստանի Շանսի նահանգում գտնվող լեռներից մեկի գագաթին տեղավորված յուրատեսակ Խուա Շան ռեստորանը մոլորակի ամենավտանգավոր ու դժվարհասանելի ռեստորանն է։ Նրա հիմնական յուրահատկությունը տեղադրությունն է․ ռեստորանը բացվել է լեռան ամենաբարձր հատվածում։ Ռեստորան հասնելու ուղին բարդ ու վտանգավոր է։ Այստեղ գնալ համարձակվում են միայն ամենախիզախ զբոսաշրջիկները։

Մինչև լեռնային որոշակի հատված մարդկանց առաջարկում են հասնել ճոպանուղու օգնությամբ։ Ճանապարհի այդ հատվածն ամենահեշտն ու ամենահաճելին է։

Որոշակի տեղանքից սկսած մինչև ռեստորան կարելի է հասնել միայն ոտքով։ Զբոսաշրջիկները պետք է մետաղե բարակ շղթայից բռնված անցնեն խոր վիհերի վրա կառուցված փայտե կամրջակների վրայով։

Լեռնային ռեստորանի ֆիրմային ուտեստները փորձելու ու հարմարավետ սրահներից տեղանքով հիանալու համար հյուրերը բառիս բուն իմաստով ստիպված են կյանքը վտանգելու գնով մագլցել ժայռերը։

Բարդ ճանապարհի եզրափակիչ փուլը ժայռի կատարով զբոսանքն է, որի համար հատուկ աստիճան են կառուցել։ Իսկ խոչընդոտներով լի ճանապարհի պարգևը Խուա Շան ռեստորանում անվճար ընթրիքն է։ Ռեստորանը գտնվում է համանուն լեռան գագաթին՝ ծովից 2160 մետր բարձրության վրա։ Խուա Շան լեռը սուրբ է համարվում դաոսիզմ դավանողների շրջանում։ Այն հայտնի է նաև ժամանակակից էքստրիմի սիրահարներին։ Վտանգներով ու խոչընդոտներով լի լեռնային արահետը աշխարհում ամենաբարդերից մեկն է համարվում։

Պատրաստեց Լուսինե Բրուտյանը


 Լուսանկարներ


 Պիտակներ
         Անսովոր ռեստորաններ

 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon