Անտարկտիդայի ծովային էկոհամակարգի գոյությանն սպառնացող վտանգը

Science News 14.03.2019   23:15   53
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Մթնոլորտում և համաշխարհային օվկիանոսում СО2-ի կենտրոնացման մակարդակի հետագա աճը կհանգեցնի նրան, որ կյանքն Անտարկտիդայի ափերին կդադարի գոյություն ունենալուց ջրի խոր և մակերեսային շերտերի խիստ թթվայնացման պատճառով:

Ինչպես ներկայացնում է РИА Новости-ն՝ վկայակոչելով գիտական ամսագրում հրապարակված հետազոտությունների արդյունքները, թթվային ջրի շերտն ապագայում կգտնվի անմիջապես օվկիանոսի մակերեսի մոտ, ինչը կյանքը ծայրահեղ բարդ կդարձնի կորալների և խեցեմորթների համար: «Նույնիսկ եթե հենց այսօր դադարեցվեն բոլոր արտանետումները, այդ «մահվան գոտին», միևնույնն է, կառաջանա, թեև որոշակի ուշացումով: Դրա ի հայտ գալու անխուսափելիությունն է հատկապես անհանգստացնում մեզ»,- հայտնել է ամերիկյան Կոլորադոյի համալսարանի գիտնական Նիկոլ Լովենդուսկին:

Ինչպես նշվում է, արդյունաբերական ձեռնարկությունների արտանետած ածխաթթու գազի ոչ ամբողջ քանակությունն է հայտնվում մթնոլորտում, դրա զգալի մասը լուծվում է համաշխարհային օվկիանոսի ջրերում և երկար ժամանակ չի հեռանում այնտեղից: Մի կողմից օվկիանոսի այս հատկությունը դանդաղեցնում է գլոբալ տաքացումը, մյուս կողմից՝ այն բավականին բացասաբար է ազդում ծովային էկոհամակարգերի վրա:

Ածխաթթու գազի կուտակումը ջրում հանգեցնում է ջրի թթվայնության մեծացմանը, ինչը խանգարում է հանքային նյութերի ձևավորմանն ու գոյատևմանը, որոնցից բաղկացած են կորալների պատերը, խեցեմորթների խեցին, ինչպես նաև տարբեր միաբջիջ օրգանիզմների պատյանները: Այս ամենի հետևանքով այդ նյութերի կարիքն ունեցող օրգանիզմները կմահանան, ինչն էլ կխախտի սնվելու շղթան և կնպաստի ծովային ֆաունայի վերացմանը:


 Լուսանկարներ


 Պիտակներ



 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon